മംഗളൂരു: ബെല്‍ത്തങ്ങാടി ബദ്യാറിന് സമീപം നിയന്ത്രണംവിട്ട ഓട്ടോ മറിഞ്ഞ് ഡ്രൈവര്‍ മരിച്ചു. യാത്രക്കാരന് പരിക്കേറ്റു. മാലാഡിയില്‍ താമസിക്കുന്ന ശിവാനന്ദ പി മാലാഡി (33) ആണ് മരിച്ചത്. യാത്രക്കാരനായ ശിവരാജിനെ ആശുപത്രിയില്‍ പ്രവേശിപ്പിച്ചു. ഞായാറാഴ്ച വൈകീട്ട് ഗുരുവായനക്കെരെയില്‍ നിന്ന് ആലദങ്ങാടിയിലേക്ക് വാടക പോകുന്നതിനിടെയാണ് അപകടം. ഓട്ടോ മറിഞ്ഞതോടെ ഗുരുതരമായി പരിക്കേറ്റ ശിവാനന്ദയെ നാട്ടുകാര്‍ മംഗളൂരുവിലെ ആശുപത്രിയിലേക്ക് കൊണ്ടുപോയെങ്കിലും മരണം സംഭവിച്ചിരുന്നു. പരിക്കേറ്റ ശിവരാജ് ഉജിരെയിലെ സ്വകാര്യ ആശുപത്രിയില്‍ ചികിത്സയിലാണ്. ബെല്‍ത്തങ്ങാടി ട്രാഫിക് പൊലീസ് കേസെടുത്തു.