കോഴിക്കോട്: കാറിൽ യാത്ര ചെയ്യുന്നതിനിടെ യുവാവിനെ പാമ്പ് കടിച്ചു. കോഴിക്കോട് നിരവിൽപ്പുഴ സ്വദേശിയായ രാജീവനാണ് കാറിനുള്ളിൽ നിന്നും പാമ്പിന്റെ കടിയേറ്റത്.വടകരയിൽ പോയി തിരിച്ചു വീട്ടിലേക്കു മടങ്ങുന്നതിനിടെയാണ് സംഭവം. രാജീവിന്റെ സുഹൃത്ത് സൂരജാണ് കാർ ഓടിച്ചിരുന്നത്. കാർ കുറ്റ്യാടി ചുരത്തിൽ എത്തിയപ്പോഴാണ് രാജീവന് പാമ്പ് കടിയേറ്റത്. തുടർന്ന് രാജീവനെ മറ്റൊരു വാഹനത്തിൽ കുറ്റ്യാടി താലൂക്ക് ആശുപത്രിയിലെത്തിച്ചു. പാമ്പ് പിടിത്തക്കാരനായ സുരേന്ദ്രനെത്തി കാറിൽ നിന്നു പാമ്പിനെ നീക്കി. ചുരുട്ട വർഗത്തിൽപെട്ട പാമ്പാണ് കടിച്ചത്.