അബുദാബി: അബുദാബിയിലെ കാസര്‍കോട്ടുകാരുടെ കുടുംബ കൂട്ടായ്മയായ പയസ്വിനി അബുദാബി ഓണാഘോഷത്തിന്റെ ഭാഗമായി നടത്തുന്ന ‘വിഭാവരി’ എന്ന സംഗീത പരിപാടിയുടെ പോസ്റ്റര്‍ പ്രകാശനം സേഫ് ലൈന്‍ ഗ്രൂപ്പ് ഓഫ് കമ്പനീസിന്റെ മാനേജിംഗ് ഡയറക്ടര്‍ ഡോ. അബൂബക്കര്‍ കുറ്റിക്കോല്‍ നിര്‍വഹിച്ചു.
അബുദാബി കെ.എം.സി.സി. കാസര്‍കോട് ജില്ല കമ്മിറ്റി സംഘടിപ്പിച്ച ഇശല്‍ വിരുന്ന് പരിപാടിയിലാണ് പ്രകാശനം നടത്തിയത്. അബുദാബി മലയാളി സമാജം ജനറല്‍ സെക്രട്ടറിയും പയസ്വിനി രക്ഷാധികാരിയുമായ ടി.വി. സുരേഷ് കുമാര്‍, ഇന്ത്യന്‍ ഇസ്ലാമിക് സെന്റര്‍ ജനറല്‍ സെക്രട്ടറി ഹിദായത്തുള്ള, പയസ്വിനി രക്ഷാധികാരി ജയകുമാര്‍ പെരിയ പ്രസിഡണ്ട് വിശ്വംഭരന്‍ കാമലോന്‍, സെക്രട്ടറി അനൂപ് കാഞ്ഞങ്ങാട് ട്രഷറര്‍ വിനീത് കോടോത്ത്, പയസ്വിനി ഭാരവാഹികളായ ശ്രീകുമാര്‍, സുനില്‍ പാടി, ഉമേഷ് കാഞ്ഞങ്ങാട്, വാരിജാക്ഷന്‍ ഒളിയത്തടുക്ക, രാധാകൃഷ്ണന്‍ ചെര്‍ക്കള, വിപിന്‍ പാണ്ടിക്കണ്ടം, വിഷ്ണു തൃക്കരിപ്പൂര്‍, പ്രദീഷ് പാണൂര്‍, ദീപ ജയകുമാര്‍, ബനിയാസ് സ്‌പെക്ക് ചെയര്‍മാന്‍, ഇന്ത്യന്‍ മീഡിയ ഫോറം സെക്രട്ടറി റാഷിദ് പൂമാടം, കാസര്‍കോട് കെ.എം.സി.സി. ഭാരവാഹികളായ അഷ്‌റഫ്, ഉമ്പു ഹാജി, ചേക്കു ഹാജി റാഷിദ് എടുത്തോട് തുടങ്ങിയവര്‍ പങ്കെടുത്തു.
ഇന്റര്‍നാഷനല്‍ കബഡി താരങ്ങളെ പങ്കെടുപ്പിച്ച് നടത്തിയ അഖിലേന്ത്യാ കബഡി ടൂര്‍ണ്ണമെന്റ് അബുദാബിയിലെ കായിക പ്രേമികള്‍ക്കിടയില്‍ ഏറെ പ്രശംസ പിടിച്ചു പറ്റിയിരുന്നു. ‘വിഭാവരി’ അബുദാബിയിലെ സംഗീത ആസ്വാദകര്‍ക്ക് എന്നും ഓര്‍ത്ത് വെക്കുവാന്‍ പറ്റുന്ന ഒരു പരിപാടിയായിരിക്കും ഇതെന്ന് പയസ്വിനി ഭാരവാഹികള്‍ പറഞ്ഞു.
ഒന്നിനു പിറകെ ഒന്നൊന്നായി അഴിമതി കഥകൾ;കുമ്പളയിൽ നൂറുകണക്കിന് ലീഗ് – യൂത്ത് ലീഗ് പ്രവർത്തകർ രാജിക്കൊരുങ്ങുന്നു
Sunday, 29 June 2025, 20:01
