കാസര്‍കോട്: കരിന്തളം കിളിയളം ചാലില്‍ രണ്ട് ദിവസം പഴക്കമുള്ള അജ്ഞാത മൃതദേഹം ഒഴുകിയെത്തിയ നിലയില്‍ കണ്ടെത്തി. 70 വയസോളം പ്രായം വരുന്ന പുരുഷന്റെതാണ് മൃതദേഹം. വള്ളിപ്പടര്‍പ്പില്‍ കുടുങ്ങിയ നിലയിലായിരുന്നു മൃതദേഹം. നാട്ടുകാരുടെ വിവരത്തെ തുടര്‍ന്ന് എസ്ഐ, രതീശന്റെ നേതൃത്വത്തില്‍ നീലേശ്വരം പൊലീസ് സ്ഥലത്തെത്തി. കാഞ്ഞങ്ങാട് നിന്ന് ഫയര്‍ഫോഴ്‌സെത്തി മൃതദേഹം ചാലില്‍ നിന്ന് പുറത്തെടുത്തു. ഇന്‍ക്വസ്റ്റിന് ശേഷം പരിയാരത്തെ കണ്ണൂര്‍ ഗവ. മെഡിക്കല്‍ കോളേജിലേക്ക് മാറ്റി. പ്രദേശവാസികളുടേതല്ലെന്ന പ്രാഥമിക നിഗമനത്തിലാണ് പൊലീസ്. മലയോര മേഖലയില്‍ മഴക്കെടുതിയില്‍പെട്ട ആളുടെതാകാമെന്ന് സംശയിക്കുന്നു.
വിള്ളല്; വീരമല കുന്നിലും മട്ടലായി കുന്നിലും ഡ്രോണ് സര്വേ, നാളെ ജില്ലാ കളക്ടര് നേതൃത്വം നല്കും
Wednesday, 18 June 2025, 16:22
