അബദ്ധത്തില്‍ ബീഡിക്കുറ്റി വിഴുങ്ങിയ 10 മാസം പ്രായമായ കുഞ്ഞിന് ദാരുണാന്ത്യം. മംഗളൂരു അഡയാറിലാണ് ദാരുണ സംഭവം. ബീഹാര്‍ സ്വദേശികളായ ദമ്പതികളുടെ മകന്‍ അനീഷ് കുമാറാണ് മരിച്ചതെന്ന് പൊലീസ് പറഞ്ഞു. ശനിയാഴ്ച ഉച്ചയ്ക്ക് 1:30 ഓടെയാണ് സംഭവം. പിതാവ് വീട്ടിനുള്ളില്‍ ഉപേക്ഷിച്ച ബീഡിക്കുറ്റി കുഞ്ഞ് ഇഴഞ്ഞ് നീങ്ങി എടുത്ത് വിഴുങ്ങുകയായിരുന്നു. കരച്ചില്‍ കേട്ടെത്തിയ മാതാവ് ലക്ഷ്മി ദേവിയും ഭര്‍ത്താവും ചേര്‍ന്ന് ഉടന്‍ കുട്ടിയെ വെന്‍ലോക്ക് ആശുപത്രിയില്‍ എത്തിച്ചു. ഞായറാഴ്ച രാവിലെ കുഞ്ഞ് മരണത്തിന് കീഴടങ്ങി. പിതാവിന്റെ അശ്രദ്ധ മൂലമാണ് കുട്ടി മരിച്ചതെന്ന് മാതാവ് പൊലീസിന് നല്‍കിയ പരാതിയില്‍ പറയുന്നു. വീടിനുള്ളില്‍ ബീഡി കുറ്റികള്‍ ഉപേക്ഷിക്കരുതെന്ന് താന്‍ പലതവണ മുന്നറിയിപ്പ് നല്‍കിയിരുന്നെങ്കിലും അദ്ദേഹം അത് അവഗണിച്ചുവെന്ന് അവര്‍ പറഞ്ഞു. ലക്ഷ്മിദേവിയുടെ ഭര്‍ത്താവിനെതിരെ മംഗളൂരു റൂറല്‍ പൊലീസ് കേസെടുത്തു.
ബങ്കരക്കുന്ന് കുദൂരിലെ എന്.എ മഹ്മൂദ് അന്തരിച്ചു
Wednesday, 25 June 2025, 15:21
