മഞ്ചേശ്വരം : പതിനായിരത്തോളം പാക്കറ്റ് നിരോധിത പുകയില ഉൽപ്പന്നങ്ങളുമായി യുവാവിനെ മഞ്ചേശ്വരം പോലീസ് അറസ്റ്റ് ചെയ്തു. കണ്ണൂർ കനിയേരി അബ്ദുൾ ലത്തീഫ് മുഫിദാസിന്റെ മകൻ അജ്മൽ ഇർഫാനാണ് ( 23 ) അറസ്റ്റിലായത്. കർണാടകയിൽ നിന്ന് കാറിൽ പുകയില ഉൽപ്പന്നങ്ങൾ കടത്തി ക്കൊണ്ടുവരികയായിരുന്നു .കാറും കസ്റ്റഡിയിലെടുത്തു. മഞ്ചേശ്വരം സബ് ഇൻസ്പെക്ടർ രതീഷ് ഗോപി, എ.എസ്. ഐ. സദൻ, സി.പി.ഒ.മാരായ രജീഷ് കാട്ടാമ്പള്ളി , നിജിൻ കുമാർ, അനീഷ് എന്നിവർ ചേർന്നാണ് പുകയില ഉത്പന്നങ്ങളും പ്രതിയെയും പിടികൂടിയത്.