കാസർകോട്: കാസർകോട് വിദ്യാഭ്യാസ ഡെപ്യൂട്ടി ഡയറക്ടർ ആയിരുന്ന ദിനേശ വി (57 )അന്തരിച്ചു. വെള്ളിയാഴ്ച ഉച്ചയ്ക്ക് മംഗലാപുരം ആശുപത്രിയിലായിരുന്നു അന്ത്യം .പനിയെത്തുടർന്നു കുമ്പള ആശുപത്രിയിൽ ചികിത്സയിലായിരുന്നു അദ്ദേഹം. വിദഗ്ധ പരിശോധനയിൽ ഡെങ്കി പനിയാണെന്ന് കണ്ടെത്തിയതിനെത്തുടർന്നാണ് ബുധനാഴ്ച മംഗലാപുരത്തേക്ക് മാറ്റിയതെന്ന് പറയുന്നു. മൃതദേഹം ശനിയാഴ്ച രാവിലെ വാമഞ്ചൂർ സ്കൂളിൽ പൊതുദർശനത്തിന് വയ്ക്കും .11 മണിക്ക് സംസ്കരിക്കും. അധ്യാപകനായി ജോലിയിൽ പ്രവേശിച്ച അദ്ദേഹം നിരവധി സ്കൂളുകളിൽ സ്തുത്യർഹമായി സേവനമനുഷ്ഠിച്ചു. ബങ്കര മഞ്ചേശ്വരം ബന്തടുക്ക , എടനീർ ഗവൺമെൻറ് സ്കൂളുകളിൽ ഹെഡ്മാസ്റ്റർ ആയിരുന്നു. എ. ഇ. ഒ. , ഡി.ഇ. ഒ എന്നീ നിലകളിലും പ്രവർത്തിച്ചു. വിദ്യാഭ്യാസ ഡെപ്യൂട്ടി ഡയറക്ടറായി കഴിഞ്ഞ മെയ് 31നാണ് അദ്ദേഹം സർവീസിൽ നിന്ന് വിരമിച്ചത്. മഞ്ചേശ്വരം ഹൊസങ്കടി, അംഗസിപദവ്, ശാന്തിനഗർ സ്വദേശിയാണ് . പരേതരായ കുഞ്ഞിരാമ -അമ്മിണി ദമ്പതികളുടെ മകനാണ്. ഭാര്യ: ശ്രീലേഖ . മക്കൾ വിദ്യാർത്ഥികളായ ശ്രീഷ്മ, ദേവപ്രിയ, അഭിരാം. സഹോദരങ്ങൾ: അഹല്യ, ശീലാവതി .