കാസര്‍കോട്: കാമുകന്റെ പീഡനത്തിനു ഇരയായ 17കാരി രണ്ടു മാസം ഗര്‍ഭിണി. സംഭവത്തില്‍ പോക്‌സോ പ്രകാരം കേസെടുത്ത വിദ്യാനഗര്‍ പൊലീസ് പ്രതിയെ അറസ്റ്റു ചെയ്തു. ചെങ്കള, സന്തോഷ് നഗര്‍ സ്വദേശിയായ മുഹമ്മദ് അജ്മലി(24)നെയാണ് വിദ്യാനഗര്‍ പൊലീസ് ഇന്‍സ്‌പെക്ടര്‍ യു.പി വിപിനും സംഘവും അറസ്റ്റു ചെയ്തത്. പെണ്‍കുട്ടിയും യുവാവും തമ്മില്‍ പ്രണയത്തിലായിരുന്നുവെന്നു പറയുന്നു. ഇതിനിടയില്‍ വിവാഹ വാഗ്ദാനം നല്‍കി പീഡിപ്പിക്കുകയായിരുന്നുവത്രെ. പെണ്‍കുട്ടി രണ്ടുമാസം ഗര്‍ഭിണായായതോടെയാണ് പീഡനവിവരം പുറത്തറിഞ്ഞതും പൊലീസില്‍ പരാതി നല്‍കിയതും.
