ന്യൂഡൽഹി: രാജ്യത്ത് കോവിഡ് കേസുകൾ 7000 കടന്നു. കഴിഞ്ഞ 24 മണിക്കൂറിനിടെ 306 പേർക്കു കൂടി കോവിഡ് സ്ഥിരീകരിച്ചതോടെ ആകെ കേസുകളുടെ എണ്ണം 7121 ആയി ഉയർന്നു. കഴിഞ്ഞ 24 മണിക്കൂറിനിടെ 6 കോവിഡ് മരണങ്ങളും സ്ഥിരീകരിച്ചു. ഇതിൽ മൂന്നെണ്ണം കേരളത്തിലാണ്. 96 കേസുകൾ കൂടി സ്ഥിരീകരിച്ചതോടെ കേരളത്തിൽ ആകെ രോഗികൾ 2223 ആയി. ഗുജറാത്ത് (1223) ഡൽഹി (757) സംസ്ഥാനങ്ങളിലും കേസുകൾ വർധിക്കുന്നു. ജെഎൻ.വൺ വകഭേദമാണ് പുതുതായി റിപ്പോർട്ട് ചെയ്യുന്ന 53% കേസുകൾക്കും കാരണം.