കൊല്ലം:എഴുകോൺ കൈതക്കാട് രണ്ടാഴ്ചയിലേറെയായി കാണാതായ ആളുടെ മൃതദേഹം പൊട്ടക്കിണറ്റിൽ നിന്ന് കണ്ടെത്തി. ഇടവട്ടം സ്വദേശി മണി(58) ആണ് മരിച്ചത്. ഒഴിഞ്ഞ പറമ്പിലെ കിണറ്റിൽ കണ്ടെത്തിയ മൃതദേഹം മണിയൂടേതാണെന്ന് സഹോദരൻ തിരിച്ചറിഞ്ഞു. കഴിഞ്ഞ മാസം 24നാണ് മണിയെ കാണാതായത്. മണിക്കായുള്ള തിരച്ചിലിനിടെയാണ് ഇന്ന് കിണറ്റിൽ മൃതദേഹം കണ്ടെത്തിയത്.മരണത്തിൽ നിലവിൽ ദുരുഹതയില്ലെന്ന് പൊലീസ് അറിയിച്ചു. എന്നാൽ ശാസ്ത്രീയ പരിശോധനയ്ക്കു ശേഷമേ കൂടുതൽ കാര്യങ്ങൾ വ്യക്തമാകുള്ളുവെന്ന് പൊലീസ് അറിയിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിനു ശേഷം കുടുംബത്തിന് വിട്ടു നൽകും.