തിരുവനന്തപുരം: മക്കൾക്ക് യൂണിഫോം വാങ്ങി സ്കൂട്ടറിൽ മടങ്ങുന്നതിനിടെ അമിതവേഗത്തിലെത്തിയ കാറിടിച്ച് വീട്ടമ്മ മരിച്ചു. വർക്കല പാളയംകുന്ന് പുത്തൻവീട്ടിൽ ഷെർലി(50) ആണ് മരിച്ചത്. തിങ്കളാഴ്ച ഉച്ചയ്ക്ക് ഒരു മണിയോടെയാണ് അപകടമുണ്ടായത്. റോഡിന്റെ ഒരു വശത്തു നിന്ന് മറുവശത്തേക്ക് കടക്കുന്നതിനിടെ സ്കൂട്ടറിനെ അമിത വേഗത്തിലെത്തിയ കാർ ഇടിക്കുകയായിരുന്നു. കാറിന്റെ അമിത വേഗവും അശ്രദ്ധയുമാണ് അപകടത്തിനു കാരണമെന്ന് പൊലീസ് പറഞ്ഞു. കാർ ഓടിച്ചിരുന്ന ചാവർകോട് സ്വദേശി സിൻസിയറെ പൊലീസ് കസ്റ്റഡിയിലെടുത്തു.