കാസര്‍കോട്: ഒറ്റയ്ക്ക് താമസിക്കുന്ന ഗൃഹനാഥനെ വീട്ടില്‍ മരിച്ച നിലയില്‍ കണ്ടെത്തി. വെള്ളച്ചാല്‍ വന്നലോം സ്വദേശി ഇ പത്മനാഭനാ(61)ണ് മരിച്ചത്. വെള്ളിയാഴ്ച സന്ധ്യയോടെ ഫോണില്‍ ബന്ധപ്പെട്ടിട്ടും എടുക്കാതെ വന്നതോടെ നടത്തിയ അന്വേഷണത്തിലാണ് വീടിന്നകത്ത് മരിച്ച നിലയില്‍ കണ്ടത്. നാട്ടുകാരുടെ വിവരത്തെ തുടര്‍ന്ന് ചീമേനി പൊലീസ് സ്ഥലത്തെത്തി. മൃതദേഹം പരിയാരം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. ടെന്റ് ആന്റ് ഡെക്കറേഷന്‍ തൊഴിലാളിയായിരുന്നു. വന്നലോത്തെ അമ്പാടിയുടെയും ജാനകിയുടെയും മകനാണ്. ഭാര്‍ഗവിയാണ് ഭാര്യ. മക്കള്‍: സ്‌നേഹ, ശ്രീജിത്ത്.