ഉള്ളാളില്‍ വീടിന് മുകളില്‍ മതില്‍ ഇടിഞ്ഞ് വീണ് 10 വയസുകാരി മരിച്ചു

ഉള്ളാള്‍: വ്യാഴാഴ്ച വൈകീട്ടുണ്ടായ കനത്തമഴയില്‍ ഉള്ളാളില്‍ വീടിന് മുകളില്‍ മതില്‍ ഇടിഞ്ഞ് വീണ് 10 വയസുകാരി മരിച്ചു. ബല്‍മ കനകരെയിലുള്ള നൗഷാദിന്റെ മകള്‍ നയീമയാണ് മരിച്ചത്. നൗഷാദിന്റെ വീടിന് പിന്നിലെ കുന്നും സംരക്ഷണ ഭിത്തിയും ഇടിഞ്ഞുവീണാണ് അപകടം. ചുമരിന്റെ ഒരു ഭാഗം ജനാലയിലൂടെ മുറിയിലേക്ക് വീഴുകയായിരുന്നു. കുട്ടി മണ്ണിനടിയില്‍ കുടുങ്ങിപ്പോയി. രക്ഷാപ്രവര്‍ത്തനം നടത്തി പുറത്തെടുത്തെങ്കിലും മരിച്ചിരുന്നു. മോണ്ടെപദവിലുണ്ടായ മറ്റൊരു സംഭവത്തില്‍, മണ്ണിടിച്ചിലില്‍ മൂന്ന് പേര്‍ മണ്ണിനടിയില്‍ കുടുങ്ങി. ഒരാളുടെ മൃതദേഹം കണ്ടെടുത്തു. കാന്തപ്പ പൂജാരിയുടെ ഭാര്യ പ്രേമ(50)ആണ് മരണപ്പെട്ടത്. രണ്ടുപേരെ കണ്ടെത്താനുള്ള രക്ഷാപ്രവര്‍ത്തനം നടക്കുകയാണ്. കനത്ത മഴയില്‍ ഉള്ളാള്‍ താലൂക്കിലുടനീളം നിരവധി വീടുകള്‍ വെള്ളത്തിനടിയിലായി. കുമ്പള, കല്ലാപ്പു, ധര്‍മ്മനഗര, ഉച്ചില, തലപ്പാടി, വിദ്യാനഗര്‍, കല്‍ക്കട്ട തുടങ്ങിയ പ്രദേശങ്ങളില്‍ വെള്ളപ്പൊക്കം രൂക്ഷമായി. വീടുകളിലേക്ക് വെള്ളം കയറി രാത്രിയില്‍ നിരവധി കുടുംബങ്ങളെ മാറ്റിപ്പാര്‍പ്പിക്കേണ്ടി വന്നു.

Subscribe
Notify of
guest


0 Comments
Oldest
Newest Most Voted
Inline Feedbacks
View all comments
RELATED NEWS
കള്ളത്തോക്കും തിരകളുമായി നിരവധി കേസുകളില്‍ പ്രതിയായ പാമ്പ് നൗമാന്‍ കുമ്പളയില്‍ അറസ്റ്റില്‍; തോക്ക് ഏര്‍പ്പാടാക്കി കൊടുത്തത് കണ്ണൂര്‍ സെന്‍ട്രല്‍ ജയിലില്‍ വച്ച് പരിചയപ്പെട്ട ലക്നൗ സ്വദേശി
ആദൂരില്‍ ഷൂസ് ധരിച്ചെത്തിയ പ്ലസ് വണ്‍ വിദ്യാര്‍ത്ഥിയെ ക്രൂരമായി ആക്രമിച്ചു; നിലത്തുവീണ കുട്ടിയുടെ ദേഹത്ത് ബെഞ്ചിട്ടു പരിക്കേല്‍പ്പിച്ചു, 5 പ്ലസ്ടു വിദ്യാര്‍ത്ഥികള്‍ക്കെതിരെ കേസ്, കുണ്ടംകുഴിയില്‍ ടീ ഷര്‍ട്ട് ധരിച്ചെത്തിയ വിദ്യാര്‍ത്ഥിക്കു ക്രൂരമര്‍ദ്ദനം

You cannot copy content of this page

Light
Dark