കാസർകോട്: ചെർക്കള, തെക്കിൽ, കാനത്തുംക്കുണ്ടിനു പിന്നാലെ പെരിയാട്ടടുക്കം ദേശീയ പാതയിലും വിള്ളൽ. പെരിയാട്ടടുക്കം ടൗണിലെ അടിപ്പാതയുടെ രണ്ടു ഭാഗങ്ങളിലും ടാറിംഗ് അടക്കമുള്ള ജോലികൾ തീർന്ന ഭാഗത്താണ് മീറ്ററുകളോളം ദൂരത്തിൽ വിള്ളൽ കാണപ്പെട്ടത്. വെള്ളിയാഴ്ച രാവിലെയോടെയാണ് വിള്ളൽ ആൾക്കാരുടെ ശ്രദ്ധയിൽപ്പെട്ടത്. ഈ ഭാഗത്ത് കൂടി ഇതുവരെ വാഹനങ്ങളെ കടത്തിവിട്ടിരുന്നില്ല. വിവരമറിഞ്ഞ് നിർമ്മാണ കരാറുകാരായ മേഘ കമ്പനി അധികൃതരും പൊലീസുo സ്ഥലത്തെത്തി പരിശോധന നടത്തി.