കാസര്കോട്: കനത്ത മഴ തുടരുന്നതിനിടയില് ചെര്ക്കള-ചട്ടഞ്ചാല് ദേശീയ പാതയില് വന് ഗര്ത്തം രൂപപ്പെട്ടു. മേല്പ്പറമ്പ് പൊലീസ് സ്റ്റേഷനു തൊട്ടുതാഴെ, കാനത്തുംകുണ്ട് വളവിലാണ് വലിയ ഗര്ത്തം രൂപം കൊണ്ടത്. പുതുതായി പണിത പാലവും റോഡും ചേരുന്ന ഭാഗത്താണ് ടാറിട്ട സ്ഥലത്ത് ഗര്ത്തം രൂപപ്പെട്ടത്. ചട്ടഞ്ചാല് ടൗണിന്റെ കിഴക്കു ഭാഗത്തു പെയ്യുന്ന മുഴുവന് വെള്ളവും ഇവിടേക്കാണ് ഒഴുകിയെത്തുന്നത്. ഗര്ത്തം കാണപ്പെട്ട സ്ഥലത്ത് രണ്ടാമത്തെ പാലത്തിനായുള്ള കുഴിയെടുത്തു വച്ചിട്ടുണ്ട്. ഇതില് വെള്ളം നിറഞ്ഞതിനെ തുടര്ന്നാണ് ഗര്ത്തം രൂപം കൊണ്ടതെന്നു സംശയിക്കുന്നു.
