അമരാവതി: കാറിനുള്ളിൽ കളിക്കുന്നതിനിടെ അബദ്ധത്തിൽ ഡോർ ലോക്കായതോടെ നാല് കുഞ്ഞുങ്ങൾ ശ്വാസം മുട്ടി മരിച്ചു. ആറ് മുതൽ എട്ട് വയസ് വരെയുള്ള നാല് കുഞ്ഞുങ്ങളാണ് മരിച്ചത്.
ആന്ധ്രയിലെ ദ്വാരപുടി ഗ്രാമത്തിലായിരുന്നു സംഭവം. മാതാപിതാക്കൾക്കൊപ്പം ഒരു കല്യാണത്തിൽ പങ്കെടുക്കാൻ എത്തിയതായിരുന്നു ഇവർ. പ്രദേശത്തെ മഹിളാ മണ്ഡൽ ഓഫീസിന് സമീപം കാറിൽ കളിക്കുകയായിരുന്നു കുട്ടികൾ. കാറിന്റെ ഡോർ ലോക്ക് ആക്കാതെയാണ് മാതാപിതാക്കൾ കല്യാണത്തിന് പോയത്. ഇടയ്ക്കുവച്ച് നാല് കുഞ്ഞുങ്ങളും കാറിൽ കളിക്കാനായി കയറി. ഇതിനിടെ കാറിന്റെ ഡോർ ലോക്ക് ആകുകയും കുഞ്ഞുങ്ങൾ ശ്വാസംമുട്ടി മരിക്കുകയുമായിരുന്നു. സംഭവം കഴിഞ്ഞ് മണിക്കൂറുകൾക്ക് ശേഷമാണ്
മാതാപിതാക്കൾ കുട്ടികളെ അന്വേഷിച്ചത്. ആന്ധ്രയിൽ ഒരു മാസത്തിനിടെയുണ്ടായ രണ്ടാമത്തെ സംഭവമാണ് ഇത്.