പുത്തൂര്‍: കെഎസ്ആര്‍ടിസി ബസും ബൈക്കും കൂട്ടിയിടിച്ചുണ്ടായ അപകടത്തില്‍ അച്ഛനും മകനും മരിച്ചു. പുത്തൂര്‍, നരിക്കൊമ്പ്, ഗ്രാമപഞ്ചായത്തംഗം അരുണ്‍ കുലാല്‍ (45), മകന്‍ ധ്യാന്‍ (15) എന്നിവരാണ് മരിച്ചത്. പുത്തൂര്‍-മംഗ്‌ളൂരു ദേശീയ പാതയിലെ കബക്കയിലാണ് അപകടം. മംഗ്‌ളൂരുവില്‍ നിന്നു പുത്തൂരിലേക്ക് വരികയായിരുന്നു ബസ്. മാണിയിലേക്ക് പോവുകയായിരുന്നു ബൈക്ക് യാത്രക്കാര്‍. അരുണ്‍ കുലാല്‍ അപകടസ്ഥലത്തും മകന്‍ ധ്യാന്‍ ആശുപത്രിയിലുമാണ് മരിച്ചത്. പുത്തൂര്‍ ട്രാഫിക് പൊലീസ് കേസെടുത്തു.