കാസര്‍കോട്: മൂന്നു മാസം പ്രായമായ കുഞ്ഞ് പനി മൂര്‍ച്ഛിച്ച് മരിച്ചു. ആദൂര്‍, മഞ്ഞംപാറയിലെ മണി-ഹരിണി ദമ്പതികളുടെ ആദ്യത്തെ കണ്‍മണിയായ അന്‍സികയാണ് മരിച്ചത്. ബുധനാഴ്ച പനിയെ തുടര്‍ന്ന് ഡോക്ടറെ കാണിച്ച് മരുന്നു വാങ്ങിയിരുന്നുവെന്ന് പറയുന്നു. വ്യാഴാഴ്ച രാവിലെ പനി വീണ്ടും മൂര്‍ച്ഛിച്ചതിനെ തുടര്‍ന്ന് ആശുപത്രിയില്‍ എത്തിച്ചപ്പോഴേക്കും മരണം സംഭവിച്ചിരുന്നു. മൃതദേഹം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേക്ക് മാറ്റി. അന്‍സികയുടെ മരണം കുടുംബത്തെ കണ്ണീരിലാഴ്ത്തി.
ഇരുട്ടത്ത് നില്‍ക്കുന്നത് കണ്ട് ആരാണെന്നു ചോദിച്ച വിരോധം; വ്യാപാരിയെയും മകനെയും ആക്രമിച്ച യുവാവിനെതിരെ കേസ്
Thursday, 15 May 2025, 10:50
