പാലക്കാട്: ട്രെയിന്‍ ഇടിച്ച് പശുക്കള്‍ കൂട്ടത്തോടെ ചത്തു. പാലക്കാട് മീങ്കരയില്‍ ശനിയാഴ്ച രാവിലെയാണ് അപകടമുണ്ടായത്. ചെന്നൈ-പാലക്കാട് എക്സ്പ്രസ് ട്രെയിനാണ് ട്രാക്കിലുണ്ടായിരുന്ന പശുക്കളെ ഇടിച്ചുതെറിപ്പിച്ചത്. റെയില്‍വേ പാളം മുറിച്ചു കടക്കുന്നതിനിടെയാണ് അപകടമെന്നാണ് വിവരം. 17 പശുക്കളാണ് ട്രെയിന്‍ തട്ടി ചത്തത്. പ്രദേശത്ത് മേയാന്‍ വിട്ട പശുക്കളാണ് ട്രെയിനിടിച്ചത്. പശുക്കള്‍ ട്രാക്കിലൂടെ കടക്കുമ്പോള്‍ വേഗത്തിലെത്തിയ ട്രെയിന്‍ ഇടിച്ചുതെറിപ്പിക്കുകയായിരുന്നുവെന്നാണ് വിവരം.