തൊടുപുഴ: ഇടുക്കിയിൽ ഒരു കുടുംബത്തിലെ 4 പേരെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി. ഉപ്പുതറ ഒമ്പതേക്കറിലാണ് സംഭവം. പട്ടത്തമ്പലം സ്വദേശി സജീവ് മോഹനൻ(34) ഭാര്യ രേഷ്മ(30), മകൻ ദേവൻ(5) മകൾ ദിയ(3) എന്നിവരാണ് മരിച്ചത്. ജോലി കഴിഞ്ഞെത്തിയ സജീവിന്റെ അമ്മ വീടു പൂട്ടികിടക്കുന്നതു കണ്ട് നടത്തിയ പരിശോധനയിലാണ് മൃതദേഹങ്ങൾ കണ്ടെത്തിയത്. ഹാളിലാണ് ഇവ ഉണ്ടായിരുന്നത്. ഉപ്പുതുറയിലെ ഓട്ടോ ഡ്രൈവറാണ് സജീവൻ. കടബാധയെ തുടർന്നുള്ള ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. വിശദ അന്വേഷണം പുരോഗമിക്കുന്നതായി ഉദ്യോഗസ്ഥർ അറിയിച്ചു.