കൊച്ചി: എറണാകുളം പെരുമ്പാവൂരിൽ ഭാര്യ ഭർത്താവിന്റെ ദേഹത്ത് തിളച്ച എണ്ണ ഒഴിച്ചു. സ്വകാര്യ ഭാഗത്തടക്കം സാരമായി പരിക്കേറ്റ ഇയാൾ കൊച്ചിയിലെ സ്വകാര്യ ആശുപത്രിയിൽ ചികിത്സ തേടി. ബുധനാഴ്ച്ച രാവിലെയായിരുന്നു സംഭവം. ഭർത്താവിന്റെ ഫോൺ എടുത്തു പരിശോധിക്കുന്നതിനിടെ ഗ്യാലറിയിൽ മുൻ കാമുകിയുടെ ഫോട്ടോ കണ്ടിരുന്നു. യുവതിക്കൊപ്പമുള്ള ഭർത്താവിന്റെ സെൽഫി കണ്ടപ്പോൾ ഭാര്യ പ്രകോപിതയാകുകയായിരുന്നു. വെങ്ങോലയിലെ വീട്ടിൽ വീട്ടിൽ കിടന്നുറങ്ങുകയായിരുന്ന ഭർത്താവിന്റെ ദേഹത്തേക്ക് ഭാര്യ തിളച്ച എണ്ണ ഒഴിച്ചു. ആക്രമണത്തില്‍ ഭര്‍ത്താവിന്റെ രണ്ട് കൈകളിലും, നെഞ്ച്, തുടയുടെ ഇരുവശങ്ങള്‍, മൂത്രാശയം എന്നിവിടങ്ങളിലും ഗുരുതരമായി പൊള്ളലേറ്റു. യുവാവിന്റെ പരാതിയിൽ ഭാര്യക്കെതിരെ കേസെടുത്തു. പെരുമ്പാവൂർ പൊലീസ് അന്വേഷണം ആരംഭിച്ചു.