കാസര്‍കോട്: യു.കെയില്‍ ജോലി വാഗ്ദാനം ചെയ്ത് വെള്ളരിക്കുണ്ട് സ്വദേശിയില്‍ നിന്ന് 5 ലക്ഷം തട്ടിയ പ്രതി അറസ്റ്റില്‍. കന്യാകുമാരി മാര്‍ത്താണ്ഡം സ്വദേശി ആര്‍ സതീഷിനെയാണ് വെള്ളരിക്കുണ്ട് പൊലീസ് പിടികൂടിയത്. സമാനമായ മറ്റൊരു കേസില്‍ കോഴിക്കോട് ജയിലില്‍ കഴിയുകയായിരുന്ന പ്രതിയെ പ്രൊഡക്ഷന്‍ വാറണ്ട് പുറപ്പെടുവിച്ചാണ് എസ്.ഐ രാജനും സംഘവും അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.പ്രതിക്കെതിരെ സംസ്ഥാനത്ത് നിരവധി കേസുകളുണ്ടെന്ന് പൊലീസ് പറഞ്ഞു.