പി പി ചെറിയാന്‍
വാഷിംഗ്ടണ്‍: വ്യാഴാഴ്ച ഡെന്‍വറിലേക്ക് വിമാനം തിരിച്ചിറക്കിയ അമേരിക്കന്‍ എയര്‍ലൈന്‍സിന്റെ (AAL.O) ഒരു എഞ്ചിനില്‍ തീപിടിച്ചു. ഇത് കാരണം യാത്രക്കാരെ ഒഴിപ്പിക്കാന്‍ നിര്‍ബന്ധിതരാക്കിയെന്ന് ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ പറഞ്ഞു. ഗേറ്റിലേക്ക് ടാക്‌സി ചെയ്യുന്നതിനിടെ എഞ്ചിന് തീപിടിച്ചതായി ഏജന്‍സി കൂട്ടിച്ചേര്‍ത്തു. കൊളറാഡോ സ്പ്രിംഗ്സില്‍ നിന്ന് പറന്നുയര്‍ന്ന വിമാനം ടെക്സസിലെ ഡാളസ് ഫോര്‍ട്ട് വര്‍ത്ത് അന്താരാഷ്ട്ര വിമാനത്താവളത്തിലേക്കുള്ള യാത്രയിലായിരുന്നുവെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. 172 യാത്രക്കാരും ആറ് ജീവനക്കാരുമാണ് വിമാനത്തില്‍ ഉണ്ടായിരുന്നത്. ഇവരെ പെട്ടെന്ന് ഇറക്കിവിട്ടതായി എയര്‍ലൈന്‍ അറിയിച്ചു. 12 പേരെ നിസാര പരിക്കുകളോടെ ആശുപത്രികളിലേക്ക് മാറ്റിയതായി അറിയിച്ചു. എഞ്ചിന് തകരാറെന്നാണ് സൂചന. സംഭവത്തിന്റെ കാരണം അന്വേഷിക്കുമെന്ന് അധികൃതര്‍ അറിയിച്ചു.
