കാസര്‍കോട്: ഓണ്‍ലൈന്‍ തട്ടിപ്പ് നടത്തി യുവതിയുടെ രണ്ടരലക്ഷം രൂപ തട്ടിയെടുത്തതായി പരാതി. കാസര്‍കോട്, കൂഡ്‌ലു, മീപ്പുഗിരിയിലെ കെ.എ ഷംസീന (40)യുടെ പരാതിയില്‍ അമ്പലത്തറ, പാറപ്പള്ളി, അയ്യങ്കാവ് കുതിക്കുഴിയിലെ അനുപമ പി തോമസി (35)നെതിരെയാണ് കാസര്‍കോട് ടൗണ്‍ പൊലീസ് കേസെടുത്തത്. എറണാകുളം, കോതമംഗലം എലംകാവാണ് അനുപമയുടെ സ്വന്തം സ്വദേശം. 2024 ഒക്ടോബര്‍ 29ന് മുമ്പാണ് അക്കൗണ്ട് വഴി പണം നല്‍കിയതെന്നു കേസില്‍ പറയുന്നു. എന്നാല്‍ ലാഭവിഹിതമോ മുതലോ തിരികെ നല്‍കാതെ വന്നതോടെയാണ് ഷംസീന പൊലീസില്‍ പരാതി നല്‍കിയത്.