കണ്ണൂര്‍: കൂലി നല്‍കാത്തതിനെ തുടര്‍ന്ന് ചീത്ത വിളിച്ച വിരോധത്തില്‍ സഹതൊഴിലാളിയെ വെട്ടിക്കൊല്ലാന്‍ ശ്രമം. അഴീക്കോട്, മീന്‍കുന്ന്, അയനിവയല്‍, പോത്തോടി ഹൗസിലെ വിനോദ് കുമാര്‍ (60) ആണ് വധശ്രമത്തിനു ഇരയായത്. ഗുരുതരമായി പരിക്കേറ്റ ഇദ്ദേഹം പരിയാരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. സംഭവത്തില്‍ കോളിയാട്ട് പുതിയ പുരയില്‍ അബ്ദുല്‍ ജബ്ബാറി(64)നെ പൊലീസ് അറസ്റ്റു ചെയ്തു. ഇയാളുടെ കൂടെ വിനോദ് കുമാര്‍ മരം മുറിക്കുന്ന ജോലി ചെയ്തിരുന്നു. ഇതിന്റെ കൂലി നല്‍കാന്‍ അബ്ദുല്‍ ജബ്ബാര്‍ തയ്യാറായിരുന്നില്ല. ഇതിന്റെ പേരില്‍ വിനോദ് കുമാര്‍ ചീത്ത വിളിച്ചിരുന്നു. ഈ വിരോധത്തില്‍ ബുധനാഴ്ച വൈകിട്ട് കത്തിവാള്‍ ഉപയോഗിച്ച് വിനോദ് കുമാറിനെ വെട്ടിക്കൊല്ലാന്‍ ശ്രമിച്ചുവെന്നാണ് അബ്ദുല്‍ ജബ്ബാറിനെതിരെയുള്ള കേസ്.
കുമ്പള പഞ്ചായത്ത് ബസ് ഷെല്‍ട്ടര്‍ അഴിമതി; കുറ്റക്കാര്‍ക്കെതിരെ നടപടി വേണം: വെല്‍ഫെയര്‍ പാര്‍ട്ടി
Sunday, 29 June 2025, 16:38
