കാസര്‍കോട്: പൊലീസിനെ കണ്ട് ബൈക്കും അടയ്ക്കയും ഉപേക്ഷിച്ച് മോഷ്ടാവെന്നു സംശയിക്കുന്ന ആള്‍ രക്ഷപ്പെട്ടു. വ്യാഴാഴ്ച പുലര്‍ച്ചെ രണ്ടു മണിയോടെ വൊര്‍ക്കാടി, പുരുഷംകൊടിയിലാണ് സംഭവം. എഎസ്‌ഐ അതുല്‍റാമിന്റെ നേതൃത്വത്തില്‍ വാഹന പരിശോധന നടത്തുകയായിരുന്നു മഞ്ചേശ്വരം പൊലീസ്. ഇതിനിടയില്‍ കര്‍ണ്ണാടക ഭാഗത്തു നിന്നാണ് ബൈക്ക് എത്തിയത്. ബൈക്കിന്റെ നമ്പര്‍ കേന്ദ്രീകരിച്ച് അന്വേഷണം ആരംഭിച്ചിട്ടുണ്ട്. കര്‍ണ്ണാടക രജിസ്‌ട്രേഷനിലുള്ളതാണ് ബൈക്ക്. അടയ്ക്ക എവിടെ നിന്നെങ്കിലും മോഷ്ടിച്ച് കടത്തുകയായിരുന്നുവെന്നു സംശയിക്കുന്നു.