കണ്ണൂര്‍: പതിനൊന്നു വയസ്സുള്ള പെണ്‍കുട്ടിയെ പീഡിപ്പിച്ച കേസിലെ പ്രതിയെ 18വര്‍ഷത്തെ കഠിന തടവിനും ഒന്നേ മുക്കാല്‍ ലക്ഷം രൂപ പിഴയടക്കാനും ശിക്ഷിച്ചു. തളിപ്പറമ്പ, തൃച്ചംബരം, പ്ലാത്തോട്ടെ മാണുക്കര, പട്ടുവക്കാരന്‍ വീട്ടില്‍ എം.പി അശോക(67)നെയാണ് തളിപ്പറമ്പ് അതിവേഗ പോക്‌സോ കോടതി ജഡ്ജി ആര്‍. രാജേഷ് ശിക്ഷിച്ചത്.
2022 ഏപ്രില്‍ മാസത്തിലാണ് കേസിനാസ്പദമായ സംഭവം നടന്നത്. തളിപ്പറമ്പ് എസ്‌ഐയായിരുന്ന പി യദുകൃഷ്ണനാണ് കേസ് അന്വേഷിച്ചു പ്രതിയെ അറസ്റ്റു ചെയ്ത് കുറ്റപത്രം സമര്‍പ്പിച്ചത്.
