തിരുവനന്തപുരം: തിരുവനന്തപുരം സെന്‍ട്രല്‍ സ്റ്റേഡിയത്തില്‍ റിപ്പബ്ലിക് ദിന പരേഡില്‍ അഭിസംബോധന ചെയ്ത് ഗവര്‍ണര്‍ സംസാരിക്കുന്നതിനിടയില്‍ സിറ്റി പൊലീസ് കമ്മീഷണര്‍ തോംസണ്‍ ജോസ് കുഴഞ്ഞുവീണു. ഗവര്‍ണറുടെ സമീപത്ത് നില്‍ക്കുകയായിരുന്നു പൊലീസ് കമ്മീഷണര്‍. വിവിധ സേനാ വിഭാഗങ്ങളുടെ സല്യൂട്ട് സ്വീകരിച്ച ശേഷം ഗവര്‍ണര്‍ പ്രസംഗിച്ചു കൊണ്ടിരിക്കവെയായിരുന്നു സംഭവം. കാസര്‍കോട് ജില്ലാ മുന്‍ പൊലീസ് ചീഫായിരുന്നു ഇദ്ദേഹം. കുഴഞ്ഞുവീണ തോംസണ്‍ ജോസിനെ സമീപത്തെ ആംബുലന്‍സിലേക്ക് മാറ്റി. പ്രാഥമികശുശ്രൂഷയ്ക്ക് ശേഷം അദ്ദേഹം വേദിയില്‍ തിരിച്ചെത്തി.
