കാസര്‍കോട്: സ്വര്‍ണ്ണവിലയില്‍ സര്‍വ്വകാല റെക്കോഡ്. ചരിത്രത്തില്‍ ആദ്യമായി പവന്‍ വില 60,000 രൂപ കടന്നു. 600 രൂപ കൂടിയതോടെ ബുധനാഴ്ച പവന്‍ വില 60,200 രൂപയായി. മൂന്ന് ആഴ്ചകള്‍ക്കിടയില്‍ ഒരു പവന്‍ സ്വര്‍ണ്ണത്തിനു 3000 രൂപയാണ് വര്‍ധിച്ചത്.
അമേരിക്കയുടെ 47-ാമത് പ്രസിഡണ്ടായി ട്രംപ് അധികാരമേറ്റതോടെ ആഗോള തലത്തില്‍ ആശങ്ക ഉയര്‍ന്നതാണ് സ്വര്‍ണ്ണത്തിനു കുതിപ്പുണ്ടാക്കിയതെന്നാണ് വിപണിയില്‍ നിന്നുള്ള വിലയിരുത്തല്‍. പ്രധാന കറന്‍സികളുമായി ഡോളറിന്റെ മൂല്യത്തില്‍ ഉണ്ടായ ഇടിവും സ്വര്‍ണ്ണ വില കുതിപ്പിനു ഇടയാക്കിയെന്നും വിലയിരുത്തപ്പെടുന്നു.