ബാറ്റ്മിന്റണ്‍ കളിക്കിടെ 20 കാരന്‍ കുഴഞ്ഞുവീണു മരിച്ചു. അഡൂര്‍ സ്വദേശിയും മംഗളൂരു അത്താവര്‍ ഐവറി ടവറില്‍ താമസക്കാരനുമായ ഷരീഫിന്റെ മകന്‍ ഷഹീം (20) ആണ് മരിച്ചത്. ബുധനാഴ്ച വൈകുന്നേരം ഫാല്‍നീറില്‍ ഷഹീം സുഹൃത്തുക്കളോടൊപ്പം ബാഡ്മിന്റണ്‍ കളിക്കുന്നതിനിടെയാണ് സംഭവം. കോര്‍ട്ടില്‍ കുഴഞ്ഞു വീണ യുവാവിനെ ഉടന്‍ തന്നെ ആശുപത്രിയില്‍ എത്തിച്ചു. അപ്പോഴേക്കും മരണപ്പെട്ടതായി ഡോക്ടര്‍മാര്‍ അറിയിച്ചു. മംഗളൂരുവിലെ ഒരു സ്വകാര്യ കോളേജില്‍ ബിരുദ വിദ്യാര്‍ഥിയായിരുന്നു ഷഹീം.
