തിരുവനന്തപുരം: വ്യാഴാഴ്ച വരെ സംസ്ഥാനത്ത് ഒറ്റപ്പെട്ട മഴയുണ്ടാവുമെന്നു കേന്ദ്ര കാലാവസ്ഥാ വകുപ്പ് മുന്നറിയിച്ചു. ഇടിമിന്നലിനും സാധ്യതയുണ്ട്. ചക്രവാതച്ചുഴി രൂപപ്പെട്ടതിനെത്തുടർന്നാണിത്. മൂന്നു ജില്ലകളിൽ ബുധനാഴ്ച ഒറ്റപ്പെട്ട കനത്ത മഴയുണ്ടാവും. തിരുവനന്തപുരം, പത്തനംതിട്ട, കൊല്ലം ജില്ലകളിൽ ബുധനാഴ്ച കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചു. ബുദ്ധനാഴ്ചവരെ കേരള – തമിഴ്നാട് തീരങ്ങളിൽ ശക്തമായ തിരമാലക്കു സാധ്യതയുണ്ടെന്നു ദേശീയ സമുദ്രസ്ഥിതിപഠന വകുപ്പും മുന്നറിയിച്ചിട്ടുണ്ട്. ഈ പ്രദേശങ്ങളിലുളളവർ ജാഗ്രത പാലിക്കണം.