മംഗ്‌ളൂരു: പരാതി പറയാനെത്തിയ യുവതിയെ ഡിവൈ.എസ്.പി പീഡിപ്പിച്ചു. ഇതിന്റെ വീഡിയോ വൈറലായതോടെ ഡിവൈ.എസ്.പിക്കെതിരെ ജില്ലാ പൊലീസ് മേധാവി അന്വേഷണം പ്രഖ്യാപിച്ചു. തുംകൂര്‍ ഡിവൈ.എസ്.പിക്കെതിരെയാണ് അന്വേഷണം. കഴിഞ്ഞ ദിവസമാണ് സംഭവം. സ്വത്തു തര്‍ക്കവുമായി ബന്ധപ്പെട്ട പരാതി നല്‍കാനാണ് യുവതി ഉദ്യോഗസ്ഥന്റെ ഓഫീസില്‍ എത്തിയത്. ഈ സമയത്ത് യുവതിയെ അകത്തേക്ക് കൂട്ടിക്കൊണ്ടു പോയി പീഡിപ്പിച്ചുവെന്നാണ് പ്രചരിക്കുന്ന വീഡിയോയില്‍ ഉള്ളത്. പൊലീസ് ഉദ്യോഗസ്ഥനും യുവതിയും തമ്മിലുള്ള രംഗങ്ങള്‍ മറ്റാരോ മൊബൈല്‍ ഫോണില്‍ പകര്‍ത്തി പ്രചരിപ്പിച്ചതോടെയാണ് സംഭവം പുറത്തായത്.