ഇടുക്കി: യാത്രക്കിടയില്‍ ഓട്ടോയില്‍ നിന്ന് പുറത്തേക്ക് തെറിച്ച് വീണ് പരിക്കേറ്റ് ചികിത്സയിലായിരുന്ന യുവതി മരിച്ചു. നെടുംകണ്ടം, ഇലവുംകടത്തില്‍ സുല്‍ഫത്ത് നിജാസ് ആണ് മരിച്ചത്. കഴിഞ്ഞദിവസം നെടുങ്കണ്ടം ടൗണിലാണ് അപകടം. ഉയര്‍ന്ന രക്തസമ്മര്‍ദ്ദത്തെത്തുടര്‍ന്ന് ഓട്ടോയില്‍ ആശുപത്രിയിലേക്ക് പോവുകയായിരുന്നു സുല്‍ഫത്ത്. യാത്രയ്ക്കിടയില്‍ ഛര്‍ദ്ദിക്കാനായി തല പുറത്തേക്കിട്ടപ്പോഴാണ് തെറിച്ചു വീണത്. തലയ്‌ക്കേറ്റ പരിക്കാണ് മരണ കാരണമായത്.