കണ്ണൂര്‍: മകളുടെ വിവാഹത്തിനുള്ള ഒരുക്കങ്ങള്‍ക്കിടയില്‍ വീടിനു മുന്നില്‍ ഉണ്ടായ കാറപകടത്തില്‍ പിതാവ് മരിച്ചു. പാവന്നൂര്‍മൊട്ടയിലെ പുതിയ വീട്ടില്‍ പി വി വത്സന്‍ ആശാരി(55)യാണ് മരിച്ചത്. ശനിയാഴ്ച രാത്രി 7.30 മണിയോടെയാണ് അപകടം. വീട്ടിനു മുന്നിലെ റോഡരുകില്‍ നില്‍ക്കുകയായിരുന്നു വത്സന്‍. ഇതിനിടയില്‍ മയ്യിലില്‍ നിന്നു ഇരിക്കൂറിലേയ്ക്ക് പോകുകയായിരുന്ന കാര്‍ ഇടിച്ചു തെറുപ്പിക്കുകയായിരുന്നു.
ഉടന്‍ ജില്ലാ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല.
വത്സന്റെ മകള്‍ ശിഖയുടെ വിവാഹം ഡിസംബര്‍ 28ന് നടത്താന്‍ നേരത്തെ തീരുമാനിച്ചിരുന്നു. വിവാഹ ഒരുക്കങ്ങള്‍ക്കായി വീട്ടുവളപ്പില്‍ ഇറക്കിയ സാധനങ്ങള്‍ നീക്കാന്‍ അയല്‍വീട്ടില്‍ നിന്നു ഉന്തുവണ്ടിയുമായി വരുന്നതിനിടയിലാണ് വത്സന്‍ അപകടത്തില്‍പ്പെട്ടത്.
ഭാര്യ:പ്രീത. മക്കള്‍: ശിഖ, ശ്വേത.
മറത്തുകളി ആചാര്യനും സംസ്കൃത പണ്ഡിതനുമായ വി പി ദാമോദരൻ പണിക്കർ അന്തരിച്ചു; സംഗീത നാടക അക്കാദമി അവാർഡ് ജേതാവായിരുന്നു
Saturday, 15 March 2025, 6:25
