കാസര്‍കോട്: സ്‌കൂള്‍ വിട്ട് വീട്ടിലേക്ക് നടന്നു പോവുകയായിരുന്ന ഒന്‍പതാം ക്ലാസ് വിദ്യാര്‍ത്ഥിനിയെ കയറിപ്പിടിച്ച യുവാവിനെതിരെ പോക്‌സോ പ്രകാരം കേസെടുത്തു. നീര്‍ച്ചാല്‍, പാടലടുക്കയിലെ അന്‍വറി (33)നെതിരെയാണ് കേസെടുത്തത്. ഇയാള്‍ ബദിയഡുക്ക പൊലീസിന്റെ പിടിയിലാണ്. വ്യാഴാഴ്ചയാണ് സംഭവം. പതിനാലുകാരിയായ പെണ്‍കുട്ടി തനിച്ച് റോഡില്‍ കൂടി നടന്നു പോവുകയായിരുന്നു. ഇതിനിടയില്‍ കാറിലെത്തിയ അന്‍വര്‍ പെണ്‍കുട്ടിക്കു സമീപം കാര്‍ നിര്‍ത്തുകയും വഴി ചോദിക്കുകയും ചെയ്തു. ഇതിനിടയില്‍ കയറിപ്പിടിക്കുകയായിരുന്നു. പെണ്‍കുട്ടി ബഹളം വച്ചതോടെ യുവാവ് കാറുമായി കടന്നു കളഞ്ഞു. പെണ്‍കുട്ടി വീട്ടിലെത്തി വിവരം പറയുകയും പൊലീസില്‍ പരാതി നല്‍കുകയും ചെയ്തു. പോക്‌സോ പ്രകാരം കേസെടുത്ത ബദിയഡുക്ക പൊലീസ് വിവിധ സ്ഥലങ്ങളിലുള്ള സിസിടിവി ദൃശ്യങ്ങള്‍ പരിശോധിച്ചു നടത്തിയ അന്വേഷണത്തിലാണ് അന്‍വറിനെ പിടികൂടിയത്. കാറും കസ്റ്റഡിയിലെടുത്തു.
അന്താരാഷ്ട്ര നാവിക ദിനം; ചികിത്സാ സഹായവുമായി മര്ച്ചന്റ് നേവി അസോസിയേഷന്
Saturday, 5 July 2025, 12:02
