ന്യൂദെല്‍ഹി: അകാലിദള്‍ നേതാവ് സുഖ്ബീര്‍ സിംഗ് ബാദലിനു നേരെ വധശ്രമം. അതീവ സുരക്ഷാമേഖലയായ സുവര്‍ണ്ണ ക്ഷേത്രത്തിനുള്ളില്‍ ആണ് അക്രമം അരങ്ങേറിയത്. അമൃത്സര്‍ സുവര്‍ണ്ണക്ഷേത്രത്തിലെ പ്രവേശന കവാടത്തിനു സമീപത്തുവച്ചു രണ്ടു തവണയാണ് അക്രമി ബാദലിനു നേരെ വെടിയുതിര്‍ത്തത്. വെടിയുണ്ടകള്‍ തൂണിലാണ് കൊണ്ടത്. വെടിയുതിര്‍ക്കുന്ന സമയത്ത് വീല്‍ ചെയറില്‍ ഇരിക്കുകയായിരുന്നു ബാദല്‍. നാരായണ്‍ സിംഗ് എന്നയാളാണ് അക്രമം നടത്തിയത്. ഇയാളെ സ്ഥലത്തുണ്ടായിരുന്നവര്‍ കയ്യോടെ പിടികൂടി. കൂടുതല്‍ വിവരങ്ങള്‍ പുറത്തു വന്നിട്ടില്ല. അക്രമിയെ പൊലീസ് ചോദ്യം ചെയ്തുവരുന്നു.