ടോറസ് ലോറി സ്‌കൂട്ടറില്‍ ഇടിച്ച് ഗൃഹനാഥൻ മരിച്ചു. കുഞ്ഞിമംഗലം കൊവ്വപ്പുറം സ്വദേശിയും ചുമടുത്താങ്ങിയില്‍ താമസക്കാരനുമായ എസ്.പി. ഹാഷിം(61)ആണ് മരിച്ചത്.
ഞായറാഴ്ച ഉച്ചയ്ക്ക് 12 മണിയോടെയാണ് അപകടം. കെ.എസ്.ടി.പിറോഡില്‍ ചുമടുതാങ്ങി റഹ്മാ മസ്ജിദിന് മുന്നില്‍ വെച്ച് പയ്യന്നൂര്‍ ഭാഗത്തുനിന്നും വരികയായിരുന്ന ടോറസ് ലോറി ബൈക്കില്‍ ഇടിക്കുകയായിരുന്നു. റോഡിലേക്ക് തെറിച്ച് വീണു ഗുരുതരമായി പരിക്കേറ്റ ഹാഷിമിനെ ഉടന്‍ പരിയാരത്തെ കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍രക്ഷിക്കാനായില്ല.മൃതദേഹം മെഡിക്കല്‍ കോളേജ് മോര്‍ച്ചറിയില്‍.
തിങ്കളാഴ്ച പോസ്റ്റ്‌മോര്‍ട്ടത്തിന് ശേഷം ഉച്ചയ്ക്ക് ഒരു മണിയോടെ മണ്ടൂര്‍ ജുമാമസ്ജിദില്‍ കബറടക്കം നടക്കും.
ഭാര്യ: സെമീറ. മക്കള്‍: റിസ്‌വാന്‍, നാഫിയ, നസഷെറിന്‍. മരുമകന്‍: ഷുഹൈബ്.
തളങ്കര പടിഞ്ഞാര് സ്വദേശിയും മുന് പ്രവാസിയുമായ ഹബീബ് അന്തരിച്ചു
Thursday, 26 December 2024, 16:00
