കാസര്‍കോട്: ഉദിനൂരില്‍ നടക്കുന്ന ജില്ലാ സ്‌കൂള്‍ കലോത്സവത്തില്‍ കാറഡുക്ക സ്‌കൂളിലെ ദില്‍നാദിലീപിനു മിന്നുന്ന നേട്ടം. ഏഴാംക്ലാസ് വിദ്യാര്‍ത്ഥിനിയായ ദില്‍ന ആദ്യമായാണ് ജില്ലാ കലോത്സവത്തില്‍ പങ്കെടുത്തത്. യു.പി വിഭാഗം നാടോടി നൃത്തത്തില്‍ എ ഗ്രേഡോടെ രണ്ടാംസ്ഥാനവും കുച്ചുപ്പുടിയിലും സംഘനൃത്തത്തിലും എ ഗ്രേഡും നേടിയാണ് ഈ കൊച്ചുമിടുക്കി കാറഡുക്ക സ്‌കൂളിന്റെ അഭിമാനമായത്. ദിലീപ് നായര്‍ കുണ്ടാറുടെയും അധ്യാപികയായ ശ്രീലേഖയുടെയും മകളാണ് ദില്‍ന.
