കാസര്‍കോട്: റേഷന്‍ ഷോപ്പിലേക്ക് പോകുന്നുവെന്ന് പറഞ്ഞ് വീട്ടില്‍ നിന്നു ഇറങ്ങിയ യുവതിയെ കാണാതായി. വെള്ളരിക്കുണ്ട്, ബളാല്‍, അരീക്കരയിലെ ആര്‍.കെ പ്രദീപന്റെ ഭാര്യ സി.എം പ്രജിത (29)യെ ആണ് കാണാതായത്. നവംബര്‍ 25ന് രാവിലെ പത്തുമണിക്ക് മങ്കയത്തുള്ള റേഷന്‍ ഷോപ്പിലേക്ക് പോകുന്നുവെന്നു പറഞ്ഞാണ് വീട്ടില്‍ നിന്നു ഇറങ്ങിയത്. തിരിച്ചെത്താത്തതിനെ തുടര്‍ന്ന് മൊബൈല്‍ ഫോണില്‍ വിളിക്കാന്‍ ശ്രമിച്ചുവെങ്കിലും സ്വിച്ച്ഡ് ഓഫ് എന്ന മറുപടിയാണ് ലഭിച്ചത്. ഭര്‍ത്താവിന്റെ പരാതി പ്രകാരം വെള്ളരിക്കുണ്ട് പൊലീസ് കേസെടുത്തു. സൈബര്‍ സെല്ലിന്റെ സഹായത്തൊടെ നടത്തിയ അന്വേഷണത്തില്‍ യുവതി തിരുവനന്തപുരം ഭാഗത്തുള്ളതായാണ് പൊലീസിനു ലഭിച്ച സൂചന.
