കാസര്കോട്: ഉദുമ, ബാര തൊട്ടിയിലെ കോണ്ക്രീറ്റ് തൊഴിലാളി ടി. അഭിലാഷ് (45) കുളിമുറിയില് കുഴഞ്ഞുവീണു മരിച്ചു. വ്യാഴാഴ്ച പുലര്ച്ചെയാണ് സംഭവം. ഉടന് ഉദുമയിലെ സ്വകാര്യ ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റുമോര്ട്ടത്തിനായി ജനറല് ആശുപത്രിയിലേക്ക് മാറ്റി.
പരേതരായ ചന്തന്-മാധവി ദമ്പതികളുടെ മകനാണ്. ഭാര്യ: ബിന്ദുമോള്. മക്കള്: അഭയ, അക്ഷര (ഇരുവരും വിദ്യാര്ത്ഥികള്). സഹോദരങ്ങള്: കുമാരന്, ശശിധരന്, ഭാസ്കരന്, സുധാകര്, കരുണന്, ഇമ്പിച്ചി, ലക്ഷ്മി, വത്സല, വെള്ളച്ചി.
