കാസര്‍കോട്: ഉപ്പള, നയാബസാര്‍, പാറക്കട്ടയില്‍ പുലിയിറങ്ങിയതായി അഭ്യൂഹം. വ്യാഴാഴ്ച രാത്രി 12 മണിയോടെയാണ് പാറക്കട്ട ഭാഗത്ത് പുലിയെ കണ്ടതായി പ്രചരണം തുടങ്ങിയത്. വിവരമറിഞ്ഞവര്‍ വീടുകളില്‍ നിന്നു പുറത്തിറങ്ങിയതോടെ ജനങ്ങള്‍ക്കിടയില്‍ ഭീതി പടരാന്‍ ഇടയാക്കി. ഫോറസ്റ്റ് അധികൃതരും പൊലീസും എത്തി പരിസരത്തെല്ലാം വ്യാപകമായി തെരച്ചില്‍ നടത്തി. എന്നാല്‍ പുലിയെ കണ്ടെത്താന്‍ കഴിഞ്ഞില്ല. പുലിയോട് സാമ്യമുള്ള മറ്റേതെങ്കിലും ജീവിയെ ആയിരിക്കാം പാറക്കട്ടയില്‍ കണ്ടതെന്നാണ് ഫോറസ്റ്റ് അധികൃതരുടെ സംശയം.
