കാസര്‍കോട്: വൊര്‍ക്കാടിയിലും മിയാപ്പദവിലും ആരാധനാലയങ്ങളില്‍ നിന്നു ഭണ്ഡാരങ്ങള്‍ കവര്‍ച്ച ചെയ്തു. വൊര്‍ക്കാടി ക്രിസ്ത്യന്‍ ചര്‍ച്ചിലെ രണ്ടു ഭണ്ഡാരങ്ങളും മിയാപ്പദവ് അയ്യപ്പഭജനമന്ദിരത്തിലെ ഒരു ഭണ്ഡാരവുമാണ് കവര്‍ച്ച ചെയ്തത്. തിങ്കളാഴ്ച രാവിലെയാണ് സംഭവം പുറത്തറിഞ്ഞത്. ആരാധനാലയം ഭാരവാഹികള്‍ അറിയിച്ചത് പ്രകാരം മഞ്ചേശ്വരം പൊലീസ് സ്ഥലത്തെത്തി അന്വേഷണം ആരംഭിച്ചു. ഹെല്‍മറ്റ് ധരിച്ച് സ്‌കൂട്ടറില്‍ എത്തിയ രണ്ടുപേരാണ് കവര്‍ച്ച നടത്തിയതെന്നു സംശയിക്കുന്നു. ചര്‍ച്ചിലെ സിസിടിവിയില്‍ ഇരുവരുടെയും ദൃശ്യങ്ങള്‍ പതിഞ്ഞിട്ടുണ്ട്. സമീപത്തെ ഏതാനും വ്യാപാര സ്ഥാപനങ്ങളിലും കവര്‍ച്ചാശ്രമം നടത്തിയതായും പരാതിയുണ്ട്.
