കാസര്‍കോട്: 20 ദിവസം മുമ്പ് ഗള്‍ഫില്‍ നിന്നും എത്തിയ യുവാവിനെ ഫ്‌ളാറ്റില്‍ തൂങ്ങി മരിച്ച നിലയില്‍ കണ്ടെത്തി. മഞ്ചേശ്വരം, തൂമിനാട്, കുച്ചിക്കാട്ടെ ഫ്‌ളാറ്റില്‍ താമസിക്കുന്ന മുഹമ്മദ് അന്‍സാര്‍ (32)ആണ് മരിച്ചത്. ചൊവ്വാഴ്ച രാത്രിയാണ് സംഭവം. ഭാര്യയും മക്കളും ഇതേ ഫ്‌ളാറ്റിലെ താഴത്തെ നിലയില്‍ താമസിക്കുന്ന ബന്ധുക്കളെ കാണാന്‍ പോയതായിരുന്നു. തിരിച്ചെത്തിയപ്പോഴാണ് മുഹമ്മദ് അന്‍സാറിനെ തൂങ്ങിയ നിലയില്‍ കണ്ടത്. ഉടന്‍ മംഗല്‍പ്പാടി ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മഞ്ചേശ്വരം പൊലീസ് കേസെടുത്തു.
മുഹമ്മദ്-അവ്വൗമ്മ ദമ്പതികളുടെ മകനാണ് മുഹമ്മദ് അന്‍സാര്‍. ഭാര്യ: നിസ്വാന. മക്കള്‍: ഐഫ, അസീഫ, സഹോദരങ്ങള്‍: സമീര്‍, നസീര്‍, റിയാസ്.
കാസര്‍കോട് അലൈന്സ് ഇന്റര്നാഷണലിന് ഹാട്രിക് നേട്ടം
Friday, 14 March 2025, 12:43
