കൊച്ചി: ചോറ്റാനിക്കരയില് നാലംഗ കുടുംബത്തെ വീട്ടില് മരിച്ച നിലയില് കണ്ടെത്തി. അധ്യാപക ദമ്പതികളായ രഞ്ജിത്ത്, ഭാര്യ രശ്മി, മക്കളായ ആദി (9), ആദിയ (7) എന്നിവരാണ് മരിച്ചത്. നാല് പേരുടെയും മൃതശരീശം മെഡിക്കല് കോളേജിന് വൈദ്യ പഠനത്തിന് നല്കണമെന്ന് കുറിപ്പ് എഴുവെച്ച ശേഷമാണ് മരണം. മൃതദേഹത്തിന്റെ അടുത്ത് നിന്നാണ് കുറിപ്പ് കണ്ടെത്തിയത്. സാമ്പത്തിക പ്രശ്നമാണ് മരണത്തിന് കാരണമെന്നാണ് സൂചന. കാലടി കണ്ടനാട് സ്കൂളിലെ അദ്ധ്യാപകനാണ് രഞ്ജിത്ത്. ഭാര്യ രശ്മി പൂത്തോട്ട സ്കൂള് അദ്ധ്യാപികയാണ്. ഇന്നു രാവിലെ സ്കൂളില് ചെല്ലാതിരുന്നപ്പോള് സ്കൂളില് നിന്ന് വിളിച്ചെങ്കിലും മറുപടി ഉണ്ടാകാത്തതിനെ തുടര്ന്നുള്ള അന്വേഷണത്തിലാണ് മരിച്ച സംഭവം അറിയുന്നത്.
അധ്യാപക ദമ്പതികള് ഡൈനിങ് മുറിയില് തൂങ്ങി മരിച്ച നിലയിലും മക്കളുടെ മൃതദേഹം കട്ടിലിലുമാണ് കണ്ടെത്തിയത്. സമീപത്ത് നിന്നാണ് കുറിപ്പ് കണ്ടെത്തിയത്. ഇതില് മൃതദേഹങ്ങള് മെഡിക്കല് കോളേജിന് കൈമാറണമെന്ന് പറയുന്നുണ്ട്. അതേസമയം ഇവര്ക്ക് സാമ്പത്തീക ബാധ്യത ഉണ്ടാവാന് സാധ്യതയില്ലെന്നാണ് നാട്ടുകാര് പറയുന്നത്.ചോറ്റാനിക്കര പൊലീസ് സ്ഥലത്തെത്തി.
