തിരുവനന്തപുരം: കീരിക്കാടന് ജോസ് എന്ന പേരില് ശ്രദ്ധേയനായ നടന് മോഹന് രാജ് അന്തരിച്ചു. പാര്ക്കിന്സണ്സ് രോഗബാധിതനായി ചികിത്സയില് ആയിരുന്നു.
തിരുവനന്തപുരം കാഞ്ഞിരംകുളം വീട്ടില് വെച്ചായിരുന്നു അന്ത്യം. വ്യാഴാഴ്ച മൂന്ന് മണിക്കായിരുന്നു അന്ത്യം. ആയുര്വേദ ചികിത്സയ്ക്കായി ചെന്നൈയില് നിന്ന് ഒരു വര്ഷം മുമ്പാണ് തിരുവനന്തപുരത്ത് എത്തിയത്. കസ്റ്റംസില് എന്ഫോഴ്സ്മെന്റ് ഉദ്യോഗസ്ഥന് ആയിരുന്നു. 300 ഓളം സിനിമകളില് അഭിനയിച്ചിട്ടുണ്ട്.
കെ മധു സംവിധാനം ചെയ്ത ‘മൂന്നാം മുറ’ എന്ന മോഹന്ലാല് ചിത്രത്തിലൂടെയാണ് മലയാള സിനിമയില് അരങ്ങേറ്റം. കിരീടം ആയിരുന്നു രണ്ടാമത്തെ ചിത്രം. സിനിമയിലെ കീരിക്കാടന് ജോസ് എന്ന കഥാപാത്രത്തിലാണ് പില്ക്കാലത്ത് മോഹന്രാജ് അറിയപ്പെട്ടത്. മലയാളം, തെലുങ്ക്, തമിഴ് ഭാഷകളില് അഭിനയിച്ചിട്ടുണ്ട്. അര്ത്ഥം, വ്യൂഹം, രാജവാഴ്ച, മറുപുറം, പുറപ്പാട്, കാസര്കോട് കാദര്ഭായ്, ഉപ്പുകണ്ടം ബ്രദേഴ്സ്, ചെങ്കോല്, ആറാം തമ്പുരാന്, വാഴുന്നോര്, പത്രം, നരസിംഹം എന്നിവയാണ് അഭിനയിച്ച പ്രധാന മലയാള ചിത്രങ്ങള്.
ജനങ്ങൾക്കൊപ്പം ജനനായകൻ ; കാസർകോട് മണ്ഡലം യുഡിഎഫ് തിരഞ്ഞെടുപ്പു കൺവെൻഷൻ ജനകീയ സംഗമമായി
Sunday, 22 March 2026, 20:09
