കണ്ണൂര്: കൂത്തുപറമ്പ് സമരനായകന് ചൊക്ലി മേനപ്രത്തെ പുതുക്കുടി പുഷ്പന്(54) അന്തരിച്ചു. കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. കോഴിക്കോട് ബേബി മെമ്മോറിയല് ആശുപത്രിയില് മൂന്നരയോടു കൂടിയായിരുന്നു അന്ത്യം. ആഗസ്ത് രണ്ടിന് വൈകിട്ടാണ് അതീവഗുരുതരാവസ്ഥയില് ആശുപത്രിയില് പ്രവേശിപ്പിച്ചത്. പിന്നീട് ഹൃദയാഘാതമുണ്ടായതിനെതുടര്ന്ന് വെന്റിലേറ്ററിലേക്ക് മാറ്റിയെങ്കിലും ജീവന് രക്ഷിക്കാനായില്ല.
കൂത്തുപറമ്പില് 1994 നവംബര് 25ന് നടന്ന ഡിവൈഎഫ്ഐ സമരത്തിനു നേരെയുണ്ടായ പൊലീസ് വെടിവെപ്പില് സുഷുമ്നനാഡി തകര്ന്ന് കിടപ്പിലായിരുന്നു. യുഡിഎഫ് സര്ക്കാറിന്റെ അഴിമതിക്കും വിദ്യാഭ്യാസ കച്ചവടത്തിനുമെതിരെ മന്ത്രി എംവി രാഘവനെ കരിങ്കൊടി കാണിക്കുന്നതിനിടെ പൊലീസ് നടത്തിയ വെടിവെപ്പിലാണ് പുഷ്പനും പരിക്കേറ്റത്. അന്ന് കെകെ രാജീവന്. കെവി റോഷന്, ഷിബുലാല്, ബാബു, മധു എന്നിവര് വെടിയേറ്റ് മരിച്ചിരുന്നു. ജീവിക്കുന്ന രക്തസാക്ഷിയായ പുഷ്പന് തളര്ന്ന ശരീരവുമായി ഡിവൈഎഫ്ഐയുടെയും എസ്എഫ്ഐയുടെയും സമ്മേളനങ്ങളില് പങ്കെടുത്തുവരികയായിരുന്നു. കര്ഷകതൊഴിലാളികളായ പരേതരായ കുഞ്ഞിക്കുട്ടിയുടെയും ലക്ഷ്മിയുടെയും ആറുമക്കളില് അഞ്ചാമനാണ് പുഷ്പന്. സഹോദരങ്ങള്: ശശി, രാജന്, അജിത (പുല്ലൂക്കര), ജാനു, പ്രകാശന് (താലൂക്ക് ഓഫീസ് തലശേരി).
ഓപ്പറേഷൻ തൂഫാൻ:നീലേശ്വരത്ത് വൻ ലഹരി വേട്ട : ഒരാൾ പിടിയിൽ
Friday, 26 June 2026, 4:33
പുഷ്പൻ്റെ ജന്മം പാർട്ടിയുടെ തെറ്റായ നയങ്ങൾക്ക് വേണ്ടി ബലികഴിക്കേണ്ടി വന്നു