-പി പി ചെറിയാന്‍
ഡാളസ്: മിഷനറി പ്രവര്‍ത്തകരും മധുരയിലെ മധിപുര ക്രിസ്ത്യന്‍ ഹോസ്പിറ്റലിലെ ഡോക്ടര്‍മാരായ അര്‍പിത് മാത്യു, ആമി മാത്യു എന്നിവര്‍ക്കു ഡാളസ് സെന്റ് പോള്‍സ് മാര്‍ത്തോമ്മാ ചര്‍ച്ചില്‍ ഊഷ്മള സ്വീകരണം നല്‍കി. ഡാളസ് സെന്റ് പോള്‍സ് മാര്‍ത്തോമാ ചര്‍ച്ച യുവജന സഖ്യം പള്ളിയില്‍ ഏര്‍പ്പെടുത്തിയ പ്രത്യേക യോഗത്തില്‍ റവ. ഷൈജു സി ജോയ് അദ്ധ്യക്ഷത വഹിച്ചു.
മാധിപുര ക്രിസ്ത്യന്‍ ഹോസ്പിറ്റലിലെ പ്രവര്‍ത്തനത്തിന്റെ പ്രചോദനാത്മകമായ സാക്ഷ്യം ഡോ.മാത്യു പങ്കുവച്ചു. പതിവ് അപ്ഡേറ്റുകള്‍ക്കായി എംസിഎച്ച് വാട്ട്സ്ആപ്പ് കമ്മ്യൂണിറ്റി നിരവധി പേര്‍ സബ്സ്‌ക്രൈബ് ചെയ്തു. ഫലപ്രദമായ മിഷനറി മീറ്റിംഗ് സംഘടിപ്പിച്ചതിന് യുവജന സഖ്യത്തിന് ഡോ.അര്‍പിത് മാത്യു, ഡോ.ആമി എന്നിവര്‍ നന്ദി അറിയിച്ചു. സി.എസ്.ഐ കോണ്‍ഗ്രിഗേഷന്‍ ഓഫ് ഡാളസ് വികാരി റവ. രജീവ് സുകു ജേക്കബ്, യുടി സൗത്ത് വെസ്റ്റേണ്‍ തൊറാസിക് സുര്‍ജെന്‍ ജോണ് മുറാല, എഡിസണ്‍ കെ ജോണ്, ടെന്നി കൊരുത്ത, മിറിയ റോയ് പ്രസംഗിച്ചു. റവ.ഫാ. ഷൈജു സി ജോയ് ആശീര്‍വാദം നടത്തി.
