ന്യൂഡൽഹി: ലോക പ്രശസ്ത ഭരതനാട്യ നർത്തകി യാമിനി കൃഷ്ണമൂർത്തി അന്തരിച്ചു. 84 വയസായിരുന്നു. വാർധക്യസഹജമായ അസുഖത്തെത്തുടർന്നു ഡൽഹിയിൽ ചികിത്സയിലായിരുന്നു. സന്ധ്യക്കായിരുന്നു മരണം. ഭാരതത്തിന്റെ നൃത്ത വിശേഷങ്ങളായ ഭരതനാട്യം, കുച്ചുപ്പുടി എന്നിവക്കു ലോക പ്രശസ്തി നേടിക്കൊടുക്കുന്നതിൽ യാമിനിയുടെ പങ്കു വലുതായിരുന്നു. 1968 ൽ രാജ്യം പത്മശ്രീ ബഹുമതി നൽകി യാമിനിയെ ആദരിച്ചു. 2001 ൽ പത്മഭൂഷൺ ബഹുമതിയും 2016 ൽ പത്മവിഭൂഷൺ ബഹുമതിയും സമ്മാനിച്ചു. തിരുപ്പതി ദേവസ്ഥാനം ആസ്ഥാന നർത്തകി ബഹുമതിയും സമ്മാനിച്ചിട്ടുണ്ട്.