കല്‍പ്പറ്റ: എട്ടുലക്ഷം രൂപ വില വരുന്ന മയക്കുമരുന്നുമായി പുല്ലൂര്‍ സ്വദേശിയെ തിരുനെല്ലി പൊലീസ് അറസ്റ്റ് ചെയ്തു. പുല്ലൂര്‍, പാറപ്പള്ളി വീട്ടില്‍ മുഹമ്മദ് സാബിറി(31)നെയാണ് അറസ്റ്റ് ചെയ്തത്. ഇയാളില്‍ നിന്നു 265 ഗ്രാം എം.ഡി.എം.എ പിടിച്ചെടുത്തു. വ്യാഴാഴ്ച വൈകിട്ട് കര്‍ണ്ണാടക അതിര്‍ത്തിയിലെ തോല്‍പ്പെട്ടി പൊലീസ് ചെക്ക് പോസ്റ്റില്‍ നടത്തിയ വാഹന പരിശോധനയ്ക്കിടയിലാണ് മയക്കുമരുന്നുമായി മുഹമ്മദ് സാബിറിനെ അറസ്റ്റ് ചെയ്തത്. ഇയാള്‍ ഓടിച്ചിരുന്ന കാറും പൊലീസ് കസ്റ്റഡിയിലെടുത്തു. തിരുനെല്ലി എസ്.ഐ. ടി. മിനിമോളും സംഘവുമാണ് മയക്കുമരുന്നു പിടികൂടിയത്.