അടൂർ:യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തില് അറസ്റ്റില്. സെക്രട്ടറിയേറ്റ് മാര്ച്ച് അതിക്രമകേസിലാണ് അറസ്റ്റ്.കന്റോണ്മെന്റ് പൊലീസ് അടൂരിലെ വീട്ടില് നിന്നുമാണ് രാഹുലിനെ കസ്റ്റഡിയിലെടുത്തത്. പ്രതിപക്ഷ നേതാവ് വി ഡി സതീശനാണ് കേസിലെ ഒന്നാം പ്രതി. ഇതുവരെ 31 യൂത്ത് കോണ്ഗ്രസ് പ്രവര്ത്തകരെ സംഘര്ഷവുമായി ബന്ധപ്പെട്ട് അറസ്റ്റ് ചെയ്തിട്ടുണ്ട്. പൊതുമുതല് നശിപ്പിച്ചു, കലാപാഹ്വാനം നടത്തി എന്നീ വകുപ്പുകള് ചുമത്തിയാണ് കേസെടുത്തത്.
മാര്ച്ചിനിടെയുണ്ടായ സംഘര്ഷത്തില് അറസ്റ്റിലായ 26 യൂത്ത് കോണ്ഗ്രസ് പ്രവര്ത്തകരെ ജാമ്യത്തില് വിട്ടിരുന്നു. തിരുവനന്തപുരം സിജെഎം, ജില്ലാ സെഷന്സ് കോടതികളാണ് ജാമ്യം അനുവദിച്ചത്. കേസില് 31 പ്രവര്ത്തകര് റിമാന്ഡിലായിരുന്നു. വി ഡി സതീശന് പുറമേ ഷാഫി പറമ്പിൽ എംഎല്എ, എം വിന്സന്റ് എംഎല്എ എന്നിവരും പ്രതിപ്പട്ടികയിലുണ്ട്.
സംസ്ഥാനത്ത് തുടര്ച്ചയായി യൂത്ത് കോണ്ഗ്രസ് പ്രവര്ത്തകരെ പൊലീസ് ആക്രമിക്കുന്നുവെന്ന് ആരോപിച്ചായിരുന്നു സെക്രട്ടറിയേറ്റ് മാര്ച്ച് സംഘടിപ്പിച്ചത്. മാര്ച്ച് സംഘര്ഷത്തില് കലാശിക്കുകയായിരുന്നു. പൊലീസ് ജലപീരങ്കി പ്രയോഗത്തിലും ലാത്തി ചാര്ജിലുമായി സംസ്ഥാന അധ്യക്ഷന് രാഹുല് മാങ്കൂട്ടത്തിലിനും വൈസ് പ്രസിഡന്റ് അബിന് വര്ക്കിക്കും ഉള്പ്പെടെ പരിക്കേറ്റിരുന്നു. വനിതാ ഇന്സ്പെക്ടര്ക്കും പരിക്കേല്ക്കുകയുണ്ടായി.
ആധാരം എഴുത്ത് ഓഫീസ് ജീവനക്കാരി കുഴഞ്ഞുവീണു മരിച്ചു
Friday, 5 June 2026, 21:38
